Þróun olíuverðs og gjaldskrár skipafélaganna

Nú eru 3 mánuðir frá því að ég birti fyrst gröf yfir þróun olíuverðs í Rotterdam og bar saman við þróun olíugjalda skipafélaganna. Hér koma því uppfærð gröf með þróun síðustu mánaða.

Hafa ber í huga að olíugjöldin BAF og LSS voru ekki hugsuð sem tekjupóstur heldur eingöngu til að draga úr áhrifum hækkandi olíuverðs og verja skipafélögin fyrir sveiflum í olíuverði.

Þegar LSS gjaldið var innleitt 1. Janúar 2015 var það 124 USD á hvern 40 feta gám til og frá Íslandi hjá Eimskip. Í dag er LSS gjaldið fyrir maí 2025 samkvæmt gjaldskrá hjá Eimskip 952 USD per 40 feta gám þrátt fyrir að verðmismunur á þessum tveimur olíutegundum hafi síður en svo aukist frá því að gjaldið var innleitt eins og sést á meðfylgjandi grafi.