Það er margt áhugavert hægt að sjá út úr þessum samanburði, t.d. má sjá að olíuverð á IFO380 olíu í Rotterdam er núna á svipuðum stað og í október 2022 en olíugjaldið hjá Eimskip er samt um 350 USD hærra per 40 feta gám!

Í maí náði MM Logik þeim ánægjulega áfanga að hafa veitt ráðgjöf um og eða samið um flutninga á 10.000 gámaeiningum (TEU‘s) fyrir hönd viðskiptavina MM Logik.  Í öllum tilfellum hefur náðst mjög góður árangur og er áætlaður meðaltalssparnaður flutningskostnaðar viðskiptavina MM Logik um 20% í einstaka tilfellum töluvert meira!

Þessi árangur staðfestir þörfina á að óháðri og hlutlausri ráðgjöf á íslenska flutningmarkaðnum. Hlakka til að halda áfram að hjálpa fyrirtækjum að spara ekki veitir af í baráttunni við verðbólguna því flutningskostnaður skilar sér nánast undantekningalaust beint út í verðlagið.

Nú eru 3 mánuðir frá því að ég birti fyrst gröf yfir þróun olíuverðs í Rotterdam og bar saman við þróun  gjaldskráa olíugjald skipafélaganna. Hér koma því uppfærð gröf með þróun síðustu mánaða.

Í framhaldi af greiningu á þróun olíugjalda hjá Eimskip og Samskip hef ég fengið ítrekaðar spurningar um hvað megi lesa út úr þessum gröfum og hvað þetta séu stórar tölur.

BAF og LSS

Í vinnu minni fyrir hin ýmsu fyrirtæki undanfarin misseri tók ég eftir mjög athyglisveðri þróun á olíugjöldum skipafélagana og ákvað því að taka saman þróun þessara gjalda síðustu 3 ár. Verð ég að segja að niðurstöðurnar koma mér verulega á óvart og virðist sem formúlunni um tengingu við þróun olíverðs og nýtingu skipa sem var í notkun um árabil hafi verið kippt úr sambandi. Ákvað ég því að skoða þetta aðeins nánar.